Para pak ditësh, në lagjen “Havaleas” të fshatit Kozare, në qytetin e Kuçovës, Fetah Marra vrau dhe më pas e hodhi në kanal trupin e Fatime Suli. 64-vjeçarja dyshohet se ka pasur një raport intim me vrasësin. Shkak i ngjarjes është bërë një borxh i viktimës prej 60 mijë lekësh përpara dy vitesh. Gruaja e vdekur, e cila u gjet e hedhur në një kanal, gjysmë e zhveshur dhe e mbuluar me gjethe, konfirmohet që është vrarë nga një komshi i saj, banor i fshatit Kozare. 58-vjeçari, Fetah Marra vrau dhe hodhi në kanal fqinjën e tij. Besohet se shkaku i vrasjes ishte një borxh që autori i kishte viktimës. Sot është zbardhur dëshmia e plotë e Fetah Marrës, i cili mbyti fqinjen e tij, 63-vjeçaren Fatime Suli pak ditë më parë në Kuçovë.
Në dëshminë e tij në polici vrasësi Fetah Marra shprehet:
Fatimeja më kishte 60 000 mijë lekë (të vjetra) nga mbarështimi i tufës së saj dhe unë shkova për t’ja kërkuar. Kur shkova atje e pashë shumë afër duke biseduar me një bari tjetër, Izetin, dhe u largova. U ktheva përsëri 1-orë më vonë, isha i pirë dhe pasi e pashë vetëm iu afrova dhe i kërkova lekët. Ajo filloi të bërtiste e të më gjuante me gurë dhe unë e kapa nga prapa në fyt dhe e shtrëngova. Pas disa sekondash ajo ra në tokë pa ndjenja. E shkunda disa herë dhe kur e pashë që nuk po merrte frymë e kuptova që kishte vdekur. Nga frika se mos me zbulonin, e tërhoqa zvarrë disa metra për ta hedhur në një kanal në afërsi të serave të saj dhe e mbulova mirë me gjethe e rrozga, duke shpresuar që do ta gjenin me vonesë dhe nuk do më fajësonin mua. U largova me vrap mes për mes tokave dhe shkova në shtëpi, kur më doli pija dhe po kujtohesha as vetë nuk e besova që e gjithë kjo kishte ndodhur me të vërtetë deri në momentin që erdhi policia dhe më morën me furgon.
