Muzeu Historik Kombëtar i Tiranës do të mbyllet për turistët gjatë 4 viteve të ardhshme. Sipas njoftimit të bërë në faqen zyrtare mësohet se mbyllja nga 2024-2028 do bëhet për efekt restaurimi. Gazetari Klodian Tomorri bëri një postim në rrjetin e tij social Facebook duke ironizuar ngjarjen. Në postim thuhet ironikisht se mbyllja e muzeut është diçka e mirë pasi “prish” imazhin e kullave me dhjetëra kate që e rrethojnë. Sipas Tomorrit në vendin ku ndodhet muzeu është e “denjë” të ndërtohet një kullë 40 katëshe dhe muzeut ti lihet një hapësirë e vogël sepse vendi ynë nuk ka histori të madhe dhe nuk i nevojitet një muze po aq i madh.
