Në bazë të vendimit të nxjerrë nga Ministria e Arsimit, duke nisur nga sot, për 3 ditë shkollat janë të mbyllura si pasojë e temperaturave shumë të ulëta. Për këtë vendim ka reaguar Albana Vokshi, deputete, anëtare e Komisionit të Rithemelimit të PD-së, foli në A2 CNN për mbylljen e shkollave për 3 ditë për shkak të motit të ftohtë, ndërsa tregon se arsyeja është situata me pandeminë.
Albana Vokshi:
Nuk e di kush e ka marrë këtë vendim, pse për 3 ditë dhe jo për një jave dhe cilat janë arsyet? Në kryeqytet temperaturat nuk janë aq të ulëta sa në zonat malore. Një gjë është e qartë, paratë që duhet të shkonin për rikonstruktimin e shkollave nuk kanë shkuar atje ku duhet për të krijuar kushtet minimale. Është fatkeqësi, pasi sot është edhe Dita Ndërkombëtare e Arsimit. Sot, Shqipëria është në pikën më të ulët sa i përket sistemit arsimor. Asnjë kusht i marrë nga qeveria për përballimin e ditëve të ftohta të dimrit. Ajo që unë i frikësohem më shumë, qeveria e ka të pamundur të përballojë edhe një valë tjetër të Covid apo të formave të ndryshme të Covid. Me ato që kam unë në dijeni, kam mësuar se ka pasur një flusk shumë të rritur nëpër shkolla të infektimeve të nxënësve dhe mësuesve. Dyshimi im është dështimi i qeverisë për t’i paraprirë ditëve të vështira të të ftohti, por edhe Covid, ka bërë që qeveria të mbyllë shkollat.
