Deputetja e PD dhe ministrja e Arësimit Evis Kushi kanë pasur një debat në lidhje me mbylljen e kolegjit turk. Zhupa deklaroi se kolegji u mbyll me një të rënë të lapsit pa marrë parasysh se ishte një ndër më të mirët në Shqipëri. “Mbyllën një shkollë dhe një kopsht në shërbim të fëmijëve shqiptarë. Nikolla dhe Rama i kanë dhënë një certifikatë nderi gjimnazit Mehmet Akif. Tani thonë nuk kanë standarde, por çfarë standardesh. Nuk kam parë një gjimnaz publik në vend me standarde të larta se këto të dyja. E sfidoj ministren e Arsimit të më gjejë një kopsht apo gjimnaz që ka standard më këto të dyja që mbyllen. Jam e çuditur se si me një të rënë të lapsit mbyllen një shkollë e kopsht”, tha ajo.
Ministrja Kushi iu përgjigj, deputetes Zhupa duke thënë se për këtë çështje është respektuar ligji.
“Gjykata e ka thënë fjalën e parë. Shteti nuk është PS që hidhni baltë, janë institucionet. Ka rezultuar mosrespektimi i standardeve të higjienës. Ky institucion dhe shumë të tjerë kanë pasur vlerësime, por kjo nuk do të thotë të mos respektohet ligji. Ligji do të respektohet për të gjithë”, tha Kushi.
Nga ana e saj Zhupa tha se shkolla është mbyllur pas urdhrave që jep kryeministri Edi Rama duke e quajtur këtë të fundit vasal, ndërsa shtoi se interesi i fëmijëve duhet të jetë konsiderata mbizotëruese.
