Qeveria rrezikon të mos e mbajë premtimin për rritjen e pagës minimale në 30 mijë lekë. Duke parashikuar risqet, në relacionin e projektbuxhetit 2021, Ministria e Financave thekso se mund të ndodhë “Mosmiratimi me efekt nga 1 janari i rritjes së pagës minimale dhe shtyrja e saj. Rreziku 1 miliard lekë nëse shtyhet tre muaj dhe 2 miliardë lekë nëse shtyhet 6 muaj”, thuhet në relacionin e projektbuxhetit.
Risqet e mosrealizimit
Në lidhje me të ardhurat tatimore të buxhetit, risqet fiskale për vitin 2020 konsistojnë në: Zgjatjen e situatës pandemike dhe efektet reale të paparashikuara të saj. Rrisku i vlerësuar nëreduktimin e pagesave për tatimet dhe kontributet rreth -5 deri -7 miliardë lekë; Rezultatet financiare të paparashikuara që do deklarohen nga kompanitë në bilancet financiare të vitit 2020, çka mund të impaktojë pagesat e vitit 2021. Risku i vlerësuar rreth -2 deri -3 miliardë lekë.
Mosmiratimi me efekt nga 1 janari i rritjes së pagës minimale dhe shtyrja e saj. Rrisku 1 miliard lekë nëse shtyhet tre muaj dhe 2 miliardë lekë nëse shtyhet 6 muaj. Pra rrisku gjithsej i mundshëm në lidhje me të ardhurat vlerësohet -8 deri – 11 miliardë lekë.
Risku i borxhit
Gjatë viteve të fundit ekspozimi ndaj riskut të normave të interesit ka ardhur duke u zbutur, kryesisht për shkak të rikompozimit të portofolit të borxhit të brendshëm në drejtim të titujve afatgjatë me norma interesi fikse.
Projeksionet në lidhje me shpenzimet e interesave në buxhetin e vitit 2021 vlerësohen të jenë realiste dhe me risqe të moderuara. Megjithatë, duke filluar nga viti 2017 në zbatim të detyrimit ligjor të përcaktuar në Ligjin Organik të Buxhetit, në buxhetin e shtetit janë programuar kontigjenca (rezerva) të veçanta për të absorbuar rritjen e shërbimit të borxhit që mund të burojë nga rritja e normave të interesit përtej pritshmërive. Në këtë drejtim, në buxhetin e vitit 2021 janë parashikuar 4.5 miliard Lekë kontigjenca, një nivel ky i mjaftueshëm për të përballuar rritjet e normave të interesit përgjatë vitit 2021 dhe pjesës së mbetur të vitit 2020”.
/GazetaReforma.com/
