Ndërsa pritet të nisë procesi i numërimit, për zgjedhjet parlamentare të 25 prillit, ambasadorja e Shteteve të bashkuara të Amerikës, Yuri Kim ka një mesazh të rëndësishëm për kandidatët që janë në garë dhe autoritete . Kim ka shkruar se votuesit dolën me forcë të plotë që të shprehnin vullnetin e tyre të lirë në këto zgjedhje. Ambasadorja ka shtuar se autoritet e zbatimit të ligjit kanë për detyre të sigurojnë integritetin e votës. Ajo ka një thirrje edhe për udhëheqësit politik të cilëve iu kërkon që të mos supozojnë rezultate por ti pranojnë gjykimin e votuesve.
“Votuesit në Shqipëri dolën me forcë të plotë për të shprehur vullnetin e tyre. Zgjedhjet dhe autoritetet e zbatimit të ligjit kanë për detyrë të sigurojnë integritetin e votës. Kandidatët dhe udhëheqësit, gjithashtu, kanë detyrën e tyre: të mos supozojnë rezultate, por të pranojnë gjykimin e votuesve kur përfundon numërimi.” shkruan ambasadorja Kim.
Kujtojmë se Ambasadorja e SHBA-ve, Yuri Kim së bashku me Sorecën dhe ambasadorë të tjerë në vend kanë zbritur në terren për të ndjekur më nga afër procesin e votimit. Ata kanë bërë thirrje të herë pas hershme që qytetarët të dalin në votime dhe të shprehin vullnetin e tyre të lirë.
