Është mbyllur me rezultatin 0-0 ndeshja mes Shqipërisë dhe Uellsit që luhej sot në “Cardiff City Stadium”.
Kombëtarja shqiptare nuk arriti të krijonte shumë shanse për të shënuar, ndërsa rasti i vetëm i që kuqezinjtë rrezikuan portën e uellsianëve, ishte me Rei Manajn në pjesën e parë. Sulmuesi i kombëtares provoi një gjuajtje të rrezikshme brenda zonës, por nuk shkoi më shumë se trau i portës kundërshtare.
Gjatë gjithë ndeshjes, Shqipëria nuk e vuri asnjëherë në rrezik portën e Henesi sepse nuk pati asnjë gjuajtje në kuadrat. Ndër të tjera, u vu re edhe vështirësia për të krijuar aksione të gjata e të shpejta.
Ishte Uellsi që në pjesën e dytë krijoi më shumë raste për të shënuar edhe për shkak të zëvendësimeve që hodhi në fushë. Megjithahtë, portieri Gentian Selmani bëri një debutim mjaft premtues duke e shpëtuar disa herë portën nga goditjet e uellsianëve.
Nga ana tjetër, nëse nuk prodhoi gola e gjuajtje në portë, takimi prodhoi plotë 7 kartona të verdhë. Gjatë ndeshjes tensioni mes palëve nuk ka munguar. Ndër lojëtarët e ndëshkuar me të verdhë nga kuqezinjtë, ishin Manaj e Ismalji. Sulmuesi lushnjar u zëvendësua në minutën e 77 për t’I lënë vendin në fushë Taulant Seferit. Uellsi provoi të gjitha mënyrat për të fituar, madje duke hedhur në fushë edhe yllin Gareth Bale.
