Kryetari i Partisë Demokratike Lulzim Basha po mban një mbledhje me Kryesinë e PD-së, e cila ka nisur që prej orës 18:00 të pasdites së sotme. Siç edhe është parashikuar në rendin e ditës, diskutimet kryesore po mbahen në lidhje me organizmin e Kuvendit Kombëtar të PD-së që pritet të mbahet nesër në Pallatin e Kongreseve. Ndërkohë që deri më tani mësohet se vendimi i parë i marrë nga Kryesia është ngritja e një Komisioni Statutor, anëtarë të përherëshëm të së cilës janë vendosur të jenë, Enkelejd Alibeaj, Jorida Tabaku, Ervin Salianji, Kreshnik Çollaku, Taulant Zeneli dhe Jonila Godole.
Gjithashtu, një tjetër vendim ka të bëjë me rënien e disa kompetencave të kryetarit. Sakaq, pjesë e diskutimeve është edhe Kuvendi Kombëtar, që pritet të mbahet nesër.
Nga ana tjetër, Referendumi i marrë nga ish-kryeministri Sali Berisha, nuk do të njihet nga kryedemokrati Lulzim Basha, pasi ky i fundit e cilëson Kuvendin e 11 dhjetorit si anti-statutor.
Nga ana tjetër kujtojmë se ish-kryeministri Sali Berisha ka shpërndarë një mesazh për të gjithë demokratët, kur vetëm disa orë na ndajnë nga referendumi që do të zhvillohet ditën e nesërme. Me anë të një postimi në Facebook, Berisha shkruan se të gjithë demokratët duhet të marrin pjesë në votim për të ushtruar vullnetin e tyre.
