11 vite dhe 196 ditë burg ishte vendimi i gjykatës për bosin e kriptomonedhave, Faruk Fatih Ozer. Kreu i Crypto Exchange Thodex akuzohet për vepra të ndryshpe penale si mashtrimi, udhëheqja e një organizate kriminale dhe pastrim parash. Gjykata në Stamboll dënoi edhe dy vëllezërit e motrat e tij me burg, duke i shpallur ata fajtorë për mashtrim të rëndë.
Ndërkohë, mediat kanë zbardhur dëshminë e të riut turk para gjykatës. “Unë jam mjaft i zgjuar për të udhëhequr çdo institucion në Tokë. Kjo është e dukshme në këtë kompani që kam krijuar në moshën 22-vjeçare. Nuk do të kisha vepruar kaq amator nëse kjo do të ishte një organizatë kriminale”, tha ai para gjykatësit.
I riu turk ishte shpallur në kërkim ndërkombëtar, pasi Gjykata e Lartë e Stambollit në vitin 2021, kishte lëshuar urdhër arresti ndaj tij, për veprat penale “Krijimi i organizatës kriminale” dhe “Mashtrimi me pasoja të rënda”. Ai akuzohet për mashtrim të 391 000 qytetarëve, nëpërmjet kriptomonedhave, mashtrim me dëm ekonomik 2 miliardë dollarë.
