Kanë mbërritur në aeroportin e Rinasit 11 700 vaksina të kompanisë Pfizer/BioNtech. Lajmin e dha fillimisht kryeministri Edi Rama, me anë të një statusi në rrjetet sociale, ku shkruan se synimi është që të arrihen 1 milionë vaksinime brenda muajit qershor.
Postimi i Ramës:
#ShqipëriaBuzëqesh
Sapo kanë mbërritur në Aeroportin “Nënë Tereza” edhe 11,700 vaksina Pfizer, duke e çuar në 858,750 sasinë e vaksinave AntiCovid të mbërritura në Shqipëri😍
Deri tani ia kemi dalë të kryejmë 776,461 vaksinime për të moshuarit dhe punonjësit e shërbimeve kritike, me synimin për të zgjeruar së shpejti fashën e vaksinimit, drejt objektivit 1 MILION vaksinime brenda qershorit 👍🏼
#SkaKohëPërPushim
Ndërkohë, ka reaguar edhe Ambasada e BE në Shqipëri me anë të një postimi në Facebook ku shkruan se vaksinat janë të mundësuara nga Austria. Më tej bëhet me dije se deri në fund të gushtit do të vijnë çdo javë vaksina, për të arritur në kuotën 145 mijë.
“Paketa e pestë e vaksinave të financuara nga BE BioNTech/ Pfizer dhe të mundësuara nga Austria sapo mbërritën! Një total prej rreth 20,000 vaksinash Pfizer janë dorëzuar brenda muajit maj duke e ndihmuar Shqipërinë të luftojë COVID-19. Vaksinat e financuara nga BE do të vijnë çdo javë deri në fund të gushtit për të arritur 145.000”, shkruan ambasada e BE në “Facebook”.
