Mbrëmjen e sotme kanë mbërritur në vendin tonë edhe 56 160 doza të vaksinës Pfizer. Lajmin e ka bërë të ditur kryeministri Edi Rama, i cili shkruan në Facebook se numri i vaksinave anti-Covid të ardhura deri tani në vendin tonë, ka shkuar në 1 755 570.
Më tej Rama i bën ftesë çdo qytetari që të shfrytëzojë muajin e hapur të vaksinimit masiv. Ai bën thirrje që qytetarët të vaksinohen sa më parë në mënyrë që të mbrojnë jetën dhe shëndetin.
“Edhe 56,160 vaksina Pfizer i shtohen sasisë së vaksinave AntiCovid duke e çuar në 1,755,570 numrin e vaksinave të mbërritura në Shqipëri.
Një ftesë për çdo qytetar për të shfrytëzuar muajin e hapur të vaksinimit masiv: Vaksinohuni sa më parë në qendrën tuaj shëndetësore ose në pikën më të afërt të vaksinimit.
Mbroni shëndetin dhe jetën
***1,248,205 vaksinime të kryera deri tani
#VaksinatShpëtojnëJetë
#ShqipëriaBuzëqesh
#SkaKohëPërPushim”, shkruan Rama.
Kujtojmë se muaji gusht do të jetë muaj i hapur vaksinimi për të gjithë qytetarët +18 vjeç që dëshirojnë të vaksinohen. Secili mund të paraqitet me kartën e identitetit në qendrën shëndetësore ose në qendrën më të afërt të vaksinimit. Ndërkohë, rastet me koronavirus në vendin tonë kanë ardhur në rritje, teksa sot është raportuar një humbje jete dhe 149 infektime.
