Kanë mbërritur në aeroportin e Rinasit 50 mijë doza të vaksinës AstraZeneca. Lajmin e ka bërë të ditur ministrja e Shëndetësisë, Ogerta Manastirliu e cila shkruan se do të vazhdohet me vaksinimin intensiv.
Ndërkohë, ministrja ka dhënë gjithashtu lajmin se nga nesër pritet të vijnë 200 mijë doza vaksinash, ndërsa që prej në total që prej fillimi, në Shqipëri kanë mbërritur 400 mijë vaksina. Manastirliu shkruan se situata paraqitet e kontrolluar, por duhet të jemi sërish vigjilentë, ndërkohë ajo ka lajmëruar se do të nisë edhe vaksinimi për punonjësit e transportit publik. Ajo thotë se drita në fund të tunelit duket e qartë më shumë se kurrë më parë dhe se falë ndihmës së miqve do ia falim të rikthehmi në normalitet.
Postimi i plotë i Manastirliut:
“Bashkë me vaksinat e ardhura dje, janë mbi 400 mijë vaksina që kanë ardhur në Shqipëri. Nga nesër, presim mbi 200 mijë doza vaksine, do vazhdojmë me vaksinimin intensiv. Do shtrihemi edhe tek punonjësit e transportit publik, duke nisur nga punonjësit e transportit ajror.
Situata paraqitet e kontrolluar dhe duhet të kemi vigjilencë. Drita në fund të tunelit është më e qartë se kurrë më parë. Falë ndihmës së miqve tanë, do ia dalim të jemi në normalitet”, deklaroi Manastirliu.
