Ditën e sotme kanë mbërritur të tjera vaksina anti-COVID në vendin tonë.Lajmine ka bërë të ditur kryeministri i vendit, Edi Rama me anë të një postimi në rrjetet sociale, i cili ka treguar se në Aeroportin “Nën Tereza” kanë mbërritur 44.460 doza të vaksinës Pfizer. Kryeministri iu ka bërë thirrje të gjithë qytetarëve që të shfrytëzojnë muajin e hapur të vaksinimit masiv dhe të vaksinohen.
“44,460 doza të vaksinës Pfizer kanë mbërritur në Aeroportin “Nënë Tereza”duke e çuar në 1,845,660 numrin e vaksinave të mbërritura në Shqipëri.
Shfrytëzojeni muajin e hapur të vaksinimit masiv
#MbroShëndetin
#VaksinatShpëtojnëJetë
#ShqipëriaBuzëqesh”, mesazhi i kryeministrit Rama.
Kujojmë se muaji gusht ka është muaji i hapur i vaksinimit dhe të gjithë qytetarët që janë mbi 18 vjeç mund të vaksinohen lehtësisht në qendrën më të afërt t ëvaksinimkt, veç me kartën e tyre të identitetit. Ditët e fundit në vendin tonë janë regjistruar shifra të larta infektimesh. Sjellim në vëmendje se ditën e sotme nga 2183 testime të kryera në të gjithë territorin e vendit, kanë rezultuar pozitivë me koronavirus 200 qytetarë.
Në 24 orët e fundit kanë ndërruar jetë dy qytetarë. Ministria e Shëndetësisë iu ka bërë apel qytetarëve të cilët janë mbi 18-vjeç të vaksinohen, në mënyrë që të mbrojnë veten dhe të afërmit e tyre, por edhe të parandalojnë variantet e reja.
