Kanë mbërritur në aeroportin e Rinasit 7020 dozat e radhës të vaksinës Pfizer. Lajmin e ka bërë të ditur kryeministri Rama me anë të një postimi në rrjetet sociale, ndërsa ka thënë se në ditet ne vazhdim do të vijnë edhe vaksina të tjera nga AstraZeneca, Sputnik V dhe Sinovac. Rama shkruan se ajo që dukej e pamundur para dy muajsh tashmë po ndodh çdo ditë dhe falë vaksinimit masiv Shqipëria po del nga tuneli i pandemisë për t’iu rikthyer normalitetit.
Postimi i Ramës:
7020 doza të tjera Pfizer mbërrijnë në Shqipëri; të tjera doza Pfizer, Astrazeneca, Sinovac e Sputnik do të vijojnë të mbërrijnë dhe ne nuk do të ndalemi asnjë ditë, deri në fund😍
Ajo që dukej e pamundur deri para vetëm dy muajsh po ndodh para syve tanë çdo ditë! Shqiptarët po vaksinohen masivisht dhe Shqipëria po del nga tuneli i gjatë i pandemisë, për t’iu kthyer me të gjitha fuqitë jetës, e për të rritur ekonominë e saj duke filluar nga sezoni turistik e vijuar me paketën më të madhe në histori të investimeve të huaja, po edhe vendase, private e publike💪
Më e mira është e gjitha përpara nesh, së bashku do ta bëjmë Shqipërinë të Ardhmen tonë🤗🇦🇱
