Nëse keni menduar se ku do të depozitohen miliona maska pas përdorimit, do e gjeni këtu përgjigjen. Një studim shumë interesant vjen nga Amerika, duke gjetur zgjidhjen më efikase për parandalimin e ndotjes së mjedisit.
Studiuesit nga Royal Melbourne Institute of Technology në Melburn, janë shprehur se maskat do të riciklohen dhe do të përdoren për shtrimin e fundit të asfalteve të rrugës.
“Përzierja e agregatit të betonit të ricikluar dhe maskave do të lejonte ndërtimin e rrugëve më të mira, më të forta dhe më fleksibël. Njëkohësisht dhe në mbrojtje të natyrës.”, shkruan shefi i kërkimit, Muhammad Saberian.
Studimi, i botuar në revistën “Science of the Total Environment”, tregon se për të ndërtuar një kilometër rrugë me dy korsi duhej të përdoreshin tre milionë maska duke parandaluar kështu 93 tonë mbeturina.
“Kjo përputhet me standardet e sigurisë së inxhinierisë civile dhe do të ndihmonte në hedhjen e sasisë së madhe të mbeturinave të gjeneruara nga pajisjet mbrojtëse antiCovid-19. Ne kemi nevojë për rrugë fleksibël, për të mbështetur më mirë ngarkesat e trafikut dhe ky material i përgjithshëm ofron veti të mira fleksibiliteti… Ne u frymëzuam nga ideja e studimit të zgjidhjeve ekonomike rrethore për të zvogëluar mbetjet e krijuara nga pandemia”, theksoi Saberian.
