Ish-drejtuesi i lartë i Policinë së Shtetit Shemsi Prençi ka reaguar ashpër ndaj deputetit Ulsi Manja.
Kujtojmë këtu se para pak ditësh u publikuan disa audiopërgjime nga media gjermane “Bild”, ku në një nga ato ishte i përfshirë edhe Manja.
Shemsi Prençi shprehet ndaj deputetit se është është mashtrues dhe ordiner por që “Bild” e nxorri zbuluar sesi ai bënte pazare për votat në Dibër, duke i treguar të gjithëve fytyrën e vërtetë.
Ai akuzon Manjën se mashtroi drejtorin e Policisë së Dibrës Robert Agën për poste më të larta, siç thuhej në përgjimin mes të dyve.
Sipas Prençit, Aga kurrë nuk mori post, por iu shkatërrua familja, pasi vëllain ja arrestuan për trafik droge, ndërsa nipin ja rrëmbeu mafia dhe sot nuk di ku e ka. Më tej ai shton se pasi mashtroi dibranët në Dibër, ku nuk paguante as çajin në lokale, ka nisur mashtrimin e dibranëve në Laprakë dhe Paskuqan.
Ndër të tjera ai e ka quajtur Manjën një jurist të dobët me arsim agronomi, nga goja e të cilit nuk duhet të dilnn kurrë fjalët “Do e pjek presidentin në furrë”. Gjithashtu Prençi shkruan se Manja ka mbaruar punë me Dibrën dhe nuk shkon më dot as në shtëpinë e tij.
Shkrimi i plotë
Shumë i degjeneruari Ulsi ! Të parët na kanë mësuar të kemi durim sepse e verteta vonon por nuk harron! Në fakt ashtu ndodhi. . . Disa e kanë ditur se je një mashtrues ordiner, por “kazani” Gjerman Bild tregoj publikisht surratin ( se fytyrë nuk ke ti) Tuaj të vërtetë, prej servili dhe mashtruesi të paparë. Të gjithë dibranët që të ndihmuan për të shkuar në Parlament në vitin 2013 i abondonove dhe i le rrugëve, duke u servilose tek lideri duke mashtruar shokët e përfituar për vete e familjen tënde.
Po po Ulsi , të gjithë i ke gënjyer ashtu si gënjeje në përgjime Bert Agen, duke i thënë se : “e kishe për poste më të larta” e duke ia kaluar topin Xhemalit. E more më qafë dhe e fute në rrugë pa krye, Bert Agen i cili kurrë nuk mori post, por përkundrazi ju shkatërrua jeta dhe familja e madhe , ku vëllain ja arrestuan për trafik droge dhe nipin ja rrëmbeu mafia dhe sot nuk dihet ku e kanë.
( Ndjesë familjes Aga për kujtesën dhe shqetësimin). Sa i shpifur paraqiteshe në përgjime ti dhe soji juaj i Rilindjes. Në fakt ne që ju njohim ,pamë surratin e vërtetë të mashtruesve ordiner. Dikur në vitin 2013 mblidhje vota ndershmërisht si opozitar pa paguar as çajin në klubet e thjeshta të fshatrave të Dibres, ndërsa në përgjimet e vitit 2016 shfaqesh si pushtetar koopetent duke mashtruar “bashkëpunëtorët e denjë” që vetë e kanë fajin që kurrë nuk të njohen as mendjen dhe as surratin.
Uroj të të kenë njohur e sidomos Berti që kurrë nuk bëri karrierë se kurrë nuk e ndihmove e në fakt edhe nuk e meriton se kaq e ka kapacitetin se zvarritet nëpër Ulsi e Xhemala për një cop shef komisariati ne Bulqizë…….! ( mirë ti bëhet). Tani me Dibren ke mbaruar punë se i ke përlyer gjithë shpuren atje, por ti o mashtrues nuk heq dorë nga zanati dhe vazhdon të mashtrosh Dibranët e ndershem në Tiranë ( Laprakë e Paskuqan). Turp turp turp se në Diber nuk guxon të shkosh as në ish shtëpinë tënde. Ah se harrova me të pyet se si shkoi puna e “furres” ku do piqje Presidentin e Republikes?!
E tregove veten se je jurist më i dobët se Arta e cila nuk e poqi por i la të digjen dosjet 339/1 dhe 184 dhe tash nga thatësira po ikin fletët e disqet deri në Gjermani se: nuk mundet të shpjegohet ndryshe që Kryetari i Komisionit të Ligjeve në Parlamentin Shqiptar të shprehet se : “ Do e pjek Presidentin në furrë”. Këtë nuk duhet ta dëgjojmë dhe nga goja e një deputet me arsim Agranomi apo i pa shkollë e jo më nga palojuristat si ty. Turp, turp, turp. Pra nuk je gjë tjeter vetem se një trap mashtrues ordiner. Suksese në jetë!
