Policia greke publikon detajet e arrestimit te një 50-vjeçari shqiptar.
Lulzim Bullari nga Papëri i Elbasanit eshte shqiptari i arrestuar për vjedhje ndaj të moshuarve në zonën e Kalamariasë, në Selanik.
Bullari, i cili u arrestua më 1 nëntor, akuzohet për kryerjen e të paktën katër vjedhjeve me një total prej 2020 euro.
Sipas hetimeve, ai kishte një metodë të shkëlqyer mashtrimi gjatë periudhës gusht-tetor 2024, ku u afrohej personave të moshuar duke u prezantuar si zanatçi dhe duke u ofruar punë me çmime tërheqëse.
Pas marrëveshjes, ai shkonte me viktimat në shtëpitë e tyre, ku ai shfrytëzonte mungesën e vëmendjes se viktimave dhe ka vijuar duke ju vjedhur para dhe kuleta.
Policia greke ka apeluar për çdo informacion në lidhje me rastet e mundshme të tjera të mashtrimit, dhe ka bërë thirrje për qytetarët që të kontaktojnë numrat e telefonit të Departamentit të Sigurisë Kalamaria.
Numrat e telefonit: 2310-029470 dhe 2310-455400
