Në deklaratën e tij për gazetarët, kryetari i Partisë Demokratike, Sali Berisha, ka lënë të kuptohet se nëse kryebashkiaku i Tiranës, Erion Veliaj, do të përballet me masa sigurie nga gjykata, kjo do të ndodh sipas urdhrave të kryeministrit Edi Rama.
Sipas Berishës, ky fenomen i ngjan praktikave të regjimit të kaluar, ku ndëshkimi nuk varej nga faji apo krimi i kryer, por nga besnikëria ndaj udhëheqësit.
Ai ka përmendur se Veliaj, si dhe zyrtarë të tjerë të lartë si sekretari i përgjithshëm i kryeministrisë, Ëngjëll Agaçi, dhe vetë Rama, sipas tij, duhet të ishin tashmë nën arrest për shkak të akuzave të rënda të shpërdorimit të fondeve publike.
Berisha theksoi se janë përdorur rreth 130 milionë euro pa lënë asnjë gjurmë dhe sugjeroi një lidhje të ngushtë mes këtyre zyrtarëve që mbështesin njëri-tjetrin.
