Vjeshta ka sjellë një valë të re infektimesh me Covid-19 në gjithë Europën dhe kjo për Organizatën Botërore të Shëndetësisë (OBSH) do të thotë marrje e masave vendimtatre, të cilat janë absolutisht të nevojshme për të shpëtuar jetë.
Drejtori i OBSH-së në Europë, Hans Klug gjatë një konference për shtyp sot tha se koronavirusi është shkaku i pestë kryesor i vdekjeve në Evropë, ku merr më shumë se 1.000 jetë në ditë.
“Është koha për të rritur përpjekjet. Mesazhi për qeveritë është: Mos hezitoni të merrni masa më të buta për të parandaluar miratimin e masave të dhimbshme dhe të dëmshme siç pamë në valën e parë,” tha ai.
Deklarata vjen në një kohë kur miliona njerëz në kryeqytetet evropiane dhe qytete të tjera duhet të jetojnë nën masat e reja të kursimit.
Por situata nuk është aq e keqe sa ishte në mars dhe prill, shton OBSH.
“Numri i vdekjeve tani pesë herë më i ulët se në mars dhe prill, kur vala e parë goditi kontinentin”, tha Kluge.
Një arsye për rritjen e numrit të të infektuarve në javët e fundit është se më shumë të rinj testohen pozitivisht për virusin, tha ai, duke shtuar se shkalla e vdekjes është më e ulët pasi më pak të rinj vdesin nga COVID-19 sesa të moshuarit.
Situata në Evropë po bëhet shqetësuese, por vendet e BE kanë rënë dakord të paktën për një sistem të përbashkët “semafori” që u tregon atyre nëse pasagjerët vijnë nga rajone të sigurta ose të rrezikshme.
