Ditën e sotme, kryeministri Rama bëri me dije planin financiar me 7 pika, i cili pritet të zgjerohen në vijim.
Mbrëmjen e sotme, kreu i qeverisë ishte i ftuar në ‘Opinion’, ku ka folur rreth masava të marra për ekonominë e vendin tonë, që ashtu si në vendet e tjera pritet të pësojë krizë për shkak të COVID-19.
Ndër të tjera, Fevziu e pyeti edhe rreth pezullimit të koncesioneve, për të cilët kryeministri tha se janë pezulluar: rruga ‘Milot-Balldren’, rruga ‘Orikum-Dukat’ dhe koncesioni i skanerave të doganave, koncesionin e laboratorëve të analizave, teksa disa ditë me parë është lajmëruar edhe pezullimi i koncesionit të ‘Check Up-it’.
“Në planin që kemi bërë më lejoni t’ju shpjegoj çfarë kemi prekur. Në kemi prekur Milot-Balldren dhe Orikum-Dukat që kishin 5 mln dollarë. Këto nuk kanë filluar dhe pagesa ka shkuar tek pagesa. Kemi pezulluar check-up dhe pagesa e 6 muajve, 4 mln dollarë do të shkojë tek plani. Ne kemi një tjetër shërbim për laboratorëve të analizave, nga shtetërori tek privati është spostuar 8 milionë, katër i kemi në plan, të tjerat si kemi prekur. Tjetra është koncesioni për përpunimin e mbetjeve, janë caktuar 20 milion, nga të cilat 4 i kemi këtu. 17 milion këtu spostohem. Kemi një koncesion skandaloz për skanerat, e kemi të trashëguar. Është edhe mirëmbajtja e rrugës së Kombit dhe ajo e Arbërit. Nuk i kemi prekur në këtë fazë se s’mund të shkatërrojmë këtë që kemi bërë deri tani. Nëse do të duhet do të ndërhyjmë edhe këtu”, u shpreh Rama.
Ky pezullim do jetë i përkohshëm dhe do zgjasë jo më shumë se një vit.
Virusi që lindi në Kinë në fund të 2019, ka shkaktuar deri tani rreth 10, 000 viktima dhe ka infektuar mbi 241,000 persona në 177 shtete.
OBSH ka shpallur pandeminë, teksa epiqendra e virusit tashmë është zhvendosur në Europë, në një kohë kur Kina po rimerr veten dita-ditës dhe madje po ndihmon shtetet e tjera të prekura.
Qeveria shqiptare ka ndërmarrë një sërë masash për të parandaluar përhapjen e Coronavirusit, teksa është kufizuar qarkullimi i makinave dhe i këmbësorëve.
Gjithashtu ka nisur aplikimi i gjobave për ata që nuk respektojnë rregullat e vetëkarantinimit, kompanitë që nuk marrin masat ndaj Coronavirusit dhe tregtarët që rrisin çmimet në mënyrë abuzive.
