Në një kohë kur në vendin tonë janë shënuar rekord infektimesh me koronavirus, Komiteti Teknik i Ekspertëve e ka parë të arsyeshme që të ndërmarr një seri shtrëngimesh për të frenuar përhapjen e virusit.
Duke filluar nga sot, Shqipëria do të mbyllet në orën 20:00. Vendimi është marrë nga Komiteti Teknik i Ekspertëve, disa ditë pas shtimit të rasteve me Covid-19. Që nga muaji nëntor, duke përjashtuar dy javët e fundvitit, vendi ynë është izoluar pas orës 22:00, por me shtrimin e rasteve të infektimeve me Covid-19, gjërat kanë ndryshuar.
Të gjithë qytetarët që kapen në ambiente publike pa maska, gjobiten me nga 300 mijë lekë. Kush nuk respketon orarin e kufizuar, gjobitet me 10 mijë lekë, ndërsa bizneset që shkelin rregullat e pandemisë marrin ndëshkimin prej 1 milionë lekësh të reja. Ishte vetë kryeministri Edi Rama, i cili lajmëroi shtrëngim masah një ditë më parë, duke shtuar se një mbyllje totale do të ishte katastrofike.
Gjithsesi sot do të njihemi me masat shtese nga Komiteti Teknik i Ekspertëve, të cilët do të japin njoftimin e plotë të masave të reja që do të merren në vend për shkak të rritjes së numrit të të infektuarve.
Kujtojmë se ky reagim nga qeveria ka ardhur pas shifrave rekord të infektimev e në ditët e fundit, ku për një javë, 80 persona kanë humbur jetën. Po ashtu, janë shtuar me 27% edhe shtrimet në spitale nga java e fundit e janarit në javën e parë të shkurtit
