Media britanike The Sun, ka zbuluar fotot dhe identitetin e vrasëses shqiptare Eltiona Skana, e cila më 22 Mars të këtij viti vrau me thikë në park 7-vjeçaren Emily Jones.
Gjykata në Britaninë e Madhe e shpalli të pafajshme Skanën, duke argumentuar se ajo vuante nga skizofrenia paranojake.
Sipas mediave britanike, ngjarja ndodhi në mars kur Emily ishte me prindërit në park duke shëtitur me një skuter Ajo vrapoi për te nëna e saj e cila po qëndronte pak më tutje kur Skana i doli para vogëlushes duke i prerë fytin me një thikë artizanale.
Personeli mjekësor në zonën ku jetonte shqiptarja, i dinin problemet e Eltiona Skanës dhe e mbanin në vëzhgim.
Babai i 7-vjeçares së vrarë, përfaqësues i një firme ligjore, tha se vrasësja duhet të qëndrojë në burg.
Mësohet se Skana kishte shkuar në Britaninë e Madhe në mënyrë të paligjshme nëpërmjet një kamioni në vitin 2014 dhe kërkoi azil duke pretenduar se ishte viktimë e trafikut.
Pretendimi i saj u rrëzua nga ministria e Brendshme pasi ajo apeloi dhe arriti të sigurojë një leje qëndrimi disa muaj më vonë për t’u strehuar në Britaninë e Madhe deri në Dhjetor të vitit 2024./GazetaReforma.com/
