Vijon fati tragjik i shqiptarëve në Angli, ndërsa një 30-vjeçar ka humbur jetën në mënyrë mizore në Londër. Olsi Kuka nga Kurjani i Fieri është goditur pa mëshirë disa herë me thikanë zonën Barnet të kryeqytetit anglez.
Për ngjarjen u arrestuan tre persona, dy djem, njëri 33 dhe tjetri 24 vjeç, po ashtu dhe një vajzë 24-vjeçare. Kuka u gjet i mbuluar nga gjaku në një apartament, teksa kishte 3 plagë me thikë. Policia thotë se pavarësisht dërgimit të menjëhershëm në spital, i riu ndërroi jetë prej plagëve të marra.
Grupi hetimor vijon hetimet për të zbardhur ngjarjen të plotë, ndërsa mësohet se i riu kishte shkuar në Angli para një viti. Vlen të theksojmë se shqiptarët kaën qenë shpesh në kronikat e mediave britanike, që kryesisht lidhen me përfshirjen në gupet narkotrafikante por edhe në cilësinë e viktimave.
Në dhjetor të vitit të kaluar, një 25-vjeçar shqiptar është vrarë në Kent të Anglisë.
I riu shqiptar Xhovan Pepaj është gjetur nëmes të rrugës. Sipas portalit Kent Online, 25-vjeçari ishte plagosur disa herë me thikë. Pas ngjarjes së rëndë janë arrestuar shtatë persona. Ndërkohë dy adoleshentë dyshohet se e kanë kryer krimin e rëndë dhe janë nën akuzë. Lajmi ka shkaktuar dëshpërim mes miqve të Xhovanit në median sociale. Një mik shkroi asokohe: “U prehtë në paqe shpirti yt miku dhe vëllai ynë”.
Ndërsa një tjetër tha: “Ngushëllime familjes. Shpirti i tij u preftë në paqe”.
