Një ngjarje e rëndë tronditi ditën e sotme lagjen nr. 4 të Kavajës. Si pasojë e të shtënave me armë zjarri ka humbur jetën 50-vjeçari Ramazan Hasalliu.
Viktima po kthehej për në shtëpi me bukë në dorë. Fatkeqësisht ai është kapur nga plumbat të cilat i morën edhe jetën.
Detaje të reja janë mësuar nga ngjarja e rëndë, ku mbeti i pajetë 50-vjeçari. Sipas informacioneve mësohet se sherri mes të rinjve ka ndodhur për arsye banale.
Tashmë në media janë publikuar edhe fotot e dy autorëve të përplasjes me armë zjarri në Kavajë, ku për 4 minuta bënë kërdinë në qytet.
Në njërin krah ishin vëllezërit Eraldo e Elio Hyka dhe Rustem e Elton Dedej, ndërsa në krahun tjetër ishin vëllezërit Aliu, Marjusi dhe Denisi.
Autorë të dyshuar të kësaj ngjarje janë Marjus Aliaj dhe vëllai i tij Denis Aliaj. Marjus Aliaj ka mbetur i plagosur në këtë ngjarje dhe po mbahet nën vëzhgim nga ana e policies në Spitalin e Durrësit, ndërkohë që vëllai i tij Denis Aliaj është arrastisur, e tashmë i shpallur në kërkim nga policia.
Disa ditë më parë, Eraldo Hyka dhe një prej vëllezërve Aliu ishin zënë me njëri-tjetrin, ndërsa u takuan sot kishin lënë takim për të sqaruar ngjarjen, por situata ka precipituar, ku ka filloi edhe përplasja me armë dhe solli të vrarin dhe 7 personat e plagosur.
