Laer Haxhiu, është i dënuari me burgim të përjetshëm nga Gjykata e Shkallës së Parë për “Masakrën e Lushnjës”.
Avokati i Laert Haxhiut, Detar Hysi, kërkoi sot në Apelin e GJKKO riçeljen e shqyrtimit gjyqësor.
SPAK nuk ka bërë veprime hetimore në akuzën qe vlerësohet në këtë proces.
E kërkova fjalën per të orientuar gjykatën, përpara se të veprojë mbi kërkesën tonë. Është rasti i parë në historikun e kësaj godine, që ngrihet akuzë pa bërë veprim hetimor. Kërkoj caktimin e një eksperti të fushës përkatëse. Të ekspertojë pamjet filmike të karburantit, të përcaktojë nëse është Laert Haxhiu në automjet ose jo, tha Hysi.
Prokurori Altin Dumani hodhi poshtë pretendimet se gjatë shqyrtimit gjyqësor ne shkallë të parë nuk janë pranuar provat e kërkuara nga mbrojtja.
“Këto pamje nuk janë një provë e vetme. Palët, prokuroria dhe avokati nën drejtimin e gjykatës kanë pasur mundësinë të dëgjojnë edhe dëshmitarët. Nuk është e vërtetë që gjatë shqyrtimit gjyqësor ne shkallë të parë nuk janë pranuar provat e kërkuara nga mbrojtja”, tha Dumani.
