Së fundmi është marrë masë disiplinore ndaj këshilltarit bashkiak, Tedi Blushi, i cili zhvilloi një aksion simbolik ndaj Veliajt në një nga mbledhjet e Këshillit Bashkiak, duke i drejtuar prangat dhe duke e bërë përgjegjës kryesor për inceneratorin e Tiranës.
Lidhur me masën disiplinore ndaj Blushit ka reaguar nënkryetari i Partisë së Lirisë, Petrit Vasili, i cili përmes Facebook-ut shkruan se ‘Blushi i tregoi prangat grabitqarit dhe kusarit Veliaj dhe kjo ka tronditur deri në palcë bandën e hajdutëve në Bashkinë e Tiranës’.
“Atavizma Kuko përjashton Tedi Blushin se i tregoi prangat Veliajt! Atavizma e Veliajt në Këshilin Bashkiak të Tiranës Romina Kuko dënon me dy muaj Këshilltarin e Partisë së Lirisë, Tedi Blushi. Blushi i tregoi prangat grabitqarit dhe kusarit Veliaj dhe kjo ka tronditur deri në palcë bandën e hajdutëve në Bashkinë e Tiranës.
E vërteta i dhemb shumë fare Veliajt. Atavizma Kuko, një kukull idiote në duart e Veliajt dënon Blushin megjithëse u pa publikisht që mbledhja vazhdoi, pra ka zero arsye për të marrë një masë dënimi.
Hajdutët që votuan për dy minuta 350 milionë euro buxhet, ku paguhet edhe inceneratori, që nuk ekziston, kanë surrat dhe dënojnë Blushin se iu tregoi të vërtetën, pra prangat, që e presin”, shprehet Vasili.
