Një tjetër futbollist i Kombëtares shqiptare zgjedh t’i bashkohet kampionatit rus të futbollit. Marvin Çuni është zyrtarisht pjesë e Rubin Kazanit në Premier Ligën rusë, duke iu bashkuar kështu shokut të tij në ekipin kombëtar, Mirlind Dakut.
23-vjeçari mbylli kështu aventurën në kampionatin italian te skuadra e Frosinones, teksa do të kërkojë shpërthimin në Rusi. Për transferimin e Çunit, Rubin Kazan, shpenzoi plot 2 milionë euro, me shpresën që sulmuesi shqiptar do të ketë të njëjtin impakt si Mirlind Daku. Ky i fundit është shndërruar në një lider në skuadrën që mban vendin e 8-të në kampionat, pas 7 takimesh të zhvilluar në këtë sezon të ri.
Finalizimi i operacionit “Çuni”, u konkretizua ditën e sotme, teksa pritet zyrtarizimi edhe në faqen zyrtare të klubit rus. Me transferimin e Çunit, tashmë me siguri Daku do të ketë një tjetër rival për repartin e avancuar, pasi me karakteristikat që kanë dy shtatëlartët e sulmit kuqezi, vështirë se trajneri i Rubin Kazan do të zgjedhë t’i hedh në fushë bashkarishtë
