Në Abu Dhabi po finalizohet marrëveshja trilaterale mes Shqipërisë, Italisë dhe Emirateve të Bashkuara Arabe për lidhjen nënujore energjetike dhe zgjerimin e prodhimit të energjisë diellore në Shqipëri.
Kryeministri Edi Rama njoftoi se kjo marrëveshje me pronësi të trefishtë do të forcojë kapacitetet prodhuese të vendit dhe do ta shndërrojë Shqipërinë në eksportuese energjie në BE.
Rama shtoi se Shqipëria ka arritur kapacitetin më të lartë të vetëprodhuesve të energjisë diellore në rajon, duke synuar që deri në fund të mandatit të katërt të arrijë në 30% të prodhimit total.
Gjithashtu, ai deklaroi se nga 1 shkurti do të ulë çmimin e energjisë me 10%, duke u bërë i vetmi vend në Europë që merr këtë masë.
