Ministri i Jashtëm italian, Antonio Tajani, do të vizitojë sot Shqipërinë dhe do të takohet me kryeministrin Edi Rama.
Mësohet se fokusi i këtij takimi është marrëveshja mes dy vendeve për emigrantët. Nga informacionet paraprake ministri i Jashtëm pritet të vizitojë dhe Shëngjinin, aty ku do vendosen disa nga kampet e emigrantëve.
Kujtojmë se Gjykata Kushtetuese në 13 dhjetor mori në shqyrtim kërkesën e bërë nga 30 deputetë të grupit Bardhi-Berisha kundër marrëveshjes me Italinë për emigrantët afrikanë duke sjellë automatikisht pezullimin e saj deri në një vendim përfundimtar të dhënë nga gjykata.
Seanca e parë, pritet të mbahet në 18 janar, 2024 ku palët do të paraqesin pretendimet e tyre dhe më pas brenda 3 muajve, Gjykata Kushtetuese duhet të marrë një vendim mbi marrëveshjen.
