Prej disa kohësh marrëdhëniet e Turqisë dhe Francës nuk janë aspak të mira dhe tensionohen vazhdimisht për shkak të ngjarjeve të fundit që po ndodhin me konfliktin mes Armenisë dhe Azerbajaxhanit apo vetë Turqisë me Greqinë.
Franca dhe përfaqësuesit e saj janë përpjekur vazhdimisht t’i rregullojnë këto marrëdhënie por duket se fjalët e presidentit turk Recep Tayyip Erdogan për homologoun e tij francez Macron kanë ndikuar shumë në vendimet që Franca do të marrë.
Erdogan tha se Macron ka nevojë për kontroll mendor dhe se nëse Evropa nuk shërohet nga sëmundja e islamofobisë atëherë ajo do të shkatërrohet.
“Macron ka nevojë për një trajtim mendor. Çfarë mund t‘i themi një kreu të shtetit përveçse të kontrollohet nga pikëpamja mendore, sepse ai nuk e kupton lirinë e besimin dhe sillet në këtë mënyrë për miliona anëtarë të besimit të ndryshëm që jetojnë në vendin e tij.
Evropa me frontin që ka hapur kundër myslimanëve po përgatit fundin e saj. Ata duhet të shpëtojnë sa më parë nga kjo sëmundje e islamofobisë brenda trupave të tyre. Në të kundërtën kjo sëmundje do të shkatërrojë nga brenda të gjithë Evropën, përfshirë nga Franca e deri tek Gjermania“ përfundoi ai.
Menjëherë pas kësaj deklarate Franca tërhoqi ambasadorin e saj nga Turqia. Presidenti Macron e argumentoi këtë hap me sulmet e presidentit turk dhe deklaratat e tij janë të “papranueshme”.
