Edhe në Maqedoninë e Veriut numri i të infektuarve me Covid-19 është shumë i lartë dhe bashkë me të dhe numri i jetëve të humbura.
Ditën e djeshme autoritetet shëndetësore njoftuan se janë regjistruar 26 persona të vdekur dhe 978 të infektuar me koronavirus, nga testimi i 2,667 mostrave.
Numri i përgjithshëm i personave të diagnostikuar me COVID-19, sëmundjen që shkakton koronavirusi në Maqedoninë e Veriut, ka arritur në 39,760 persona, prej të cilëve 1,136 kanë vdekur, 23,035 janë shëruar ndërsa raste aktive janë 15,589.
Ndërkohë sot, Ministria e Shëndetësisë ka njoftuar se kanë rezultuar pozitiv me Covid-19 10 punonjës të personelit shëndetësor dhe dy prej tyre janë në izolim.Sipas të dhënave të publikuara nga ISHP, aktualisht janë shënuar 297 raste aktive që janë pjesë e personelit shëndetësor.
Që nga fillimi i pandemisë e deri më tani janë infektuar gjithsej 527 punonjës shëndetësor, ndërsa 12 prej tyre kanë humbur jetën.
