Kryeministri Edi Rama njoftoi se nga data 1 mars, pensionistët do të marrin bonusin e pranverës.
Një fond prej 62 milionë eurosh. Që sipas tij, pensionistët me të ardhura deri në 200 euro do të përfitojnë 100 euro, ndërsa ata me pension mbi këtë vlerë do të marrin 50 euro.
Ky bonus, i përsëritur prej katër muajsh nga kreu i qeverisë, duket më shumë si një strategji e qeverisë për të ndikuar në votë, në prag të zgjedhjeve të qershorit.
Ndërkohë, ky fond mbetet i pamjaftueshëm përballë vështirësive të pensionistëve, të cilët përballen me rritjen e çmimeve dhe inflacionin.
Në një kohë kur qytetarët përballen me vështirësi ekonomike, një bonus një herë në disa muaj nuk përbën një zgjidhje afatgjatë.
Ndërsa qeveria e prezanton si një mbështetje për pensionistët, kjo është një levizje e pastër elektorale, ku vota ka më shumë peshë se mirëqenia e qytetarëve.
