Kryeministri Edi Rama ia ka dalë të kthehet në heroin televiziv të shpëtimit të 4 fëmijëve dhe të një gruaje nga kampi Al Hol në Siri.
Rama u shpreh se ka një vit që bëjnë përpjekje, por në fakt përgatitjet për këtë riatdhesim kanë vetëm një muaj që kanë nisur, madje u nxitën nga protesta tek Kryeministria e të afërmve të fëmijëve të mbetur në Siri
Drejtori i Sigurisë pranë Institutit të Marrëdhënieve Ndërkombëtare, Kosovë, Bedri Elezi këtë të martë në një intervistë për Abcnews thotë se kampi do të zbrazet. Më parë Gazeta Reforma ka raportuar vendimin e kurdëve për të liruar 25 mijë vetë nga kampi al Hol, si dhe thirrjen drejtuar qeverive perëndimore për të marrë të huajt nga ky kamp-burg .
Elezi ka theksuar se tërheqja e shtetasve të huaj që ndodhen në kampin Al Hol është dhe një presion nga ana e autoriteteve kurde.
“Kampi Al Hol do të mbyllet së shpejti dhe të gjithë personat që ndodhen aty do të shkojnë një një kamp tjetër, që njihet si Roi. Autoritetet kurde nuk kanë mundësi ekonomike që ta mbajnë hapur kampin Al Hol. Kjo është një rrugë që është ndjekur dhe më parë nga autoritetet kurde, për të kthyer në vendet e tyre gratë dhe fëmijët e ngelur në Siri. Theksoj se ka qenë një kërkesë ndaj shteteve që kanë banorë në këtë kamp, dhe Shqipëria është përgjigjur kësaj kërkese, ne kemi ndihmuar në lehtësimin e kontakteve me autoritetet kurde që kanë dhe kampin nën kontroll.
Është një presion nga ana e autoriteteve kurde ndaj shteteve për të marrë shtetasit e tyre, pasi ka dhe raste që personat kanë shtetësi të huazuar siç është Franca dhe ato u kanë lënë shtetësinë duke mos iu përgjigjur më.
Por përsa i përket Shqipërisë, Kosovës dhe Maqedonisë, këta e kanë shtetësinë e tyre, dhe pritet që të gjithë banorët që ndodhen në kampin Al Hol do të kthehen në vendin e tyre, ndërsa pjesa e ngelur do të transferohet në kampin Roi”, është shprehur Elezi për AbcNeës.
/GazetaReforma.com/
