Grupi parlamentar i Rithemelimit ka reaguar sërish lidhur me mandatin e deputetes Olta Xhaçka.
Ata sot i kanë drejtuar një letër kryetares së Kuvendit, Lindita Nikolla duke theksuar se maxhoranca po pengon drejtësinë dhe se mos zbatimi i vendimit të Kushtetueses shihet si mesazh për SPAK-un.
Në letërën që mban firmën e Gazment Bardhit thuhet se po pengohet me qëllim vendimi i Gjykatës Kushtetuese, duke bërë që opinioni publik të mendojë se deputetes në fjalë po i ofrohet mbrojtje politike e paprecedentë.
Sinjali për Prokurorinë e Përgjithshme sipas grupit parlamentar është që të mos hetohet deputetja e mazhorancës dhe familja e saj për implikimin e mundshëm në tjetërsimin e paligjshëm të pronave publike.
Grupi parlamentar i Rithemelimit ka shkruar ndër të tjera edhe për SPAK, për mos hetimin e e autoriteteve përgjegjëse, përfshirë kryeministrin Edi Rama për dhënien e titullit Investitor Strategjik për familjen e deputetes Xhaçka.
