Mandarinat e kontaminuara me pesticide të ndaluara nga fermerë të papërgjegjshëm dëmtojnë të gjithë sektorin bujqësor.
Përdorimi i këtyre kimikateve të dëmshme ndikon negativisht jo vetëm në shëndetin e konsumatorëve, por gjithashtu ul besimin te prodhimet bujqësore shqiptare.
Tregtarët dhe konsumatorët do të shmangin prodhimin vendas, duke shkaktuar një humbje të madhe ekonomike.
Përdorimi i këtyre substancave të ndaluara është një problem i përsëritur, dhe është përgjegjësi e Ministrisë së Bujqësisë që të ndërmarrë masa për të larguar këto kimikate nga tregu.
Alarmimi mbi mandarinat me pesticide të rrezikshme ka ardhur nga sistemi RAFF i BE-së, i cili ka bllokuar dërgesat e këtyre produkteve.
“Unë nuk besoj se në afatin e gjatë ne do të kemi një ulje të çmimit të produkteve, por një bojkotim të vetë produktit. Tregjet Europianë sot janë shumë të ndjeshëm ndaj këtyre temave. Një situatë e përsëritur krijon një dyshim afatgjatë për produktin I cili vë në pikëpyetje tregjet ndërkombëtare, por tëtë gjithë markës Made in Albania dhe në këto kushte rrënojmë në mënyrë të qëndrueshme reputacionin tonë.”, shprehet Fatmir Guri
