Ministrja e Shëndetësisë, Ogerta Manastirliu ka qenë ditën e sotme në spitalin COVID 3 ku ka falenderuar mjekët për shërbimin e tyre, duke I rreshtuat njëri pas tjetrit. Ajo ka përmendur gjithashtu edhe situatën e rëndë që vendi po kalon nga pandemia duke thënë se në asnjë moment nuk ka munguar shërbimi edhe pse pamjet dhe dëshmitë e qytetarëve kanë treguar të kundërtën.
“Ekipi i COVID3, dua t’ju falenderoj që po përballeni prej një viti me një situatë jo të lehtë, nuk është e lehtë që të përballosh këtë intensitet. Por është e rëndësishme që për asnjë moment nuk ka munguar shërbimi për qytetarët. Jemi në një situatë delikate dhe gjithë angazhimi i personelit shëndetësor është i drejtuar në dhënien e shërbimeve këtyre pacientëve. Janë më shumë se 600 pacientë që janë duke u trajtuar në spitalet tona, qoftë në spitalin Infektiv, në spitalin “Shefqet Ndroqi”, në COVID 3, COVID 4 dhe spitalet rajonale që tashmë janë të hapura. Por ēshtë momenti për një thirrje për njerëzit: Sa më shumë të kujdesshëm, aq më pak raste në spitale, aq më pak fatalitete”, tha Manasirliu.
Ministrja lajmëroi gjithashtu që ditën e hënë pritet të vijnë rreth 15 mijë doza të vaksinës Pfizer, ndërsa brenda 10 ditëshit të parë të marsit priten 14 400 vaksina nga Astra Zeneca. Dozat që do të vijnë të hënën pritet të përdoren për t’i dhënë dozën e dytë qytetarëve që tashmë e kanë marrë të parën. Pra praktikisht numri i të vaksinuarve nuk do të rritet.
“Pritet që të vijë ngarkesa e radhës së Pfizer ditën e hënë, rreth 15 mijë vaksina vijnë për të intensifikuar vaksinimin. Pritet gjithashtu që brenda 10 ditëshit të parë të Marsit të vijnë edhe 14,400 vaksina të AstraZeneca, nëpërmjet instrumentit COVAX, dhe do të kemi besoj lajme të mira për sasi të tjera vaksinash”, tha ministrja.
https://web.facebook.com/OgertaManastirliu/videos/767878870810387/
