Fushata e vaksinimit anti-Covid është duke vazhduar në vendin tonë, teksa ministrja e Shëndetësisë, Ogerta Manastirliu ka bërë me dije sa vaksinime janë kryer sot. Në një postim në Twitter, Manastirliu ka zbuluar se sot janë bërë 8631 vaksinime, ndërsa që prej fillimit të procesit janë kryer deri tani 1 238 036 vaksinime.
#ShqipëriaBuzëqesh🌼 pic.twitter.com/g59GgqFgxD
— Ogerta Manastirliu (@GManastirliu) August 5, 2021
Kujtojmë që vaksinimi në Shqipëri ka nisur që në muajin janar, me dozat e para që ishin dhuratë nga një vend i Bashkimit Europian. Ndërkohë, në muajin mars filloi vaksinimi masiv, me ardhjen e vaksinave kineze falë një kontrate të qeverisë për 1 milionë doza.
Në vendin tonë janë përdorur vaksinat e Pfizer, AstraZeneca, Sputnik V dhe vaksinat kineze të Sinovac.
Muaji gusht do të jetë muaj i hapur vaksinimi për të gjithë qytetarët +18 vjeç, të cilët mund të paraqiten me kartën e identitetit në qendrën shëndetësore ose në qendrën më të afërt të vaksinimit për të marrë dozat e tyre të vaksinës.
Ministrja e Shëndetësië dhe zyrtarë të tjerë u kanë bërë vazhdimisht thirrje qytetarëve të vaskinohen, ndërkohë që vendi është përballur me një rritje të rasteve me Covid, për shkak edhe të variantit Delta. Ditën e sotme në vendin tonë janë regjistruar 132 raste pozitive me koronavirus, ndërsa shifrat janë rritur ditë pas dite.
