Ministrja e Shëndetësisë, Ogerta Manastirliu ka realizuar një komunikim me qytetarët, duke njoftuar masat e reja lehtësuese nga 4 maji.
Ministrja ka bërë me dije se nga java e ardhshme do zgjerohen zonat e gjelbërta edhe në: Tropojë,Rrogozinë, Peqin, Belsh, Cërrik, Gramsh, Ura Vajgurore, Kucovë, Berat, Poliçan, Skrapar, Devoll, Pustec, Maliq, Mallakastër, Kolonjë Vlorë, Selenicë.
Manastirliu tha se plani i masave do të zbatohet me rezervën që nëse dinamika pozitive në terrenin e luftës me infeksionin ndryshon negativisht, edhe masat e parashikuara në të do të ndryshojnë!
Kujtojmë se në këto zona, pensionistët mund të lëvizin nga ora 06:00 deri në 08:30 të mëngjesit, ndërsa qytetarët e tjetër mund të lëvizin nga ora 09:30 deri në 17:30 të shoqëruar jo më shumë se një person tjetër.
Përjashtim bëjnë qytetarët që kanë autorizim pune të cilët nuk kufizohen nga këto orare.
“Nga data 4 maji do të përfshihen si zona të gjelbërta bashkitë: Tropojë,Rrogozinë, Peqin, Belsh, Cërrik, Gramsh, Ura Vajgurore, Kucovë, Berat, Poliçan, Skrapar, Devoll, Pustec, Maliq, Mallakastër, Kolonjë Vlorë, Selenicë. Në “zonat e gjelbërta” do të jenë të njëjtat rregulla të lëvizjes dhe fashave orare tashmë të përcaktuara për këto zona. Sipas këtyre rregullave pensionsitët në këto zona mund të lëvizin nga ora 6:00 deri në 8:30 të mëngjesit, ndërsa qytetarët e tjetër mund të lëvizin nga ora 9:30 deri në 17:30 të shoqëruar jo më shumë se një person. Përjashtim bëjnë qytetarët që kanë autorizim punë të cilët nuk kufizohen nga këto orare”, deklaroi Manastirliu.
https://www.facebook.com/OgertaManastirliu/videos/168105617847728/
