Ministrja e Shëndetësisë, Ogerta Manastirliu ka shprehur falenderimet pas fitores së mandatit të deputetes në kryeqytet. Pasi numërimi në KZAZ-në 39 pëfundoi, Manastirliu falenderoi çdo socialist, simpatizant, patronazhist, komisionerë etj. në Njësinë 9. Ajo thotë se kjo ishte një fitore historike e Edi Ramës dhe Partisë Socialiste.
“Sapo u përmbyll numërimi në KZAZ 39. Faleminderit çdo socialisti, simpatizanti, patronazhisti, komisioneri, vëzhguesi, numëruesi të Njësisë9 dhe të gjithë atyre që na besuan dhe na ndoqën në rrugëtimin drejt kësaj fitoreje historike të Edi Ramës dhe Partisë Socialiste”, shkruan Manastirliu.
Pas numërimit të votave, PS ka marrë deri tani 74 mandate deputetësh, kundrejt 59 që arriti të marrë Partia Demokratike. Nga ana tjetër, Lëvizja Socialiste për Integrim mori vetëm 4 mandate. Ndërkohë, tre mandate arriti të sigurojë edhe Partia Social Demokrate e Tom Doshit. Nga socialistët, më i votuari rezultoi Taulant Ball ai ndjekur nga Erion Braçe. Ata ndiqen nga kreu i PD, Lulzim Basha i cili është më i votuari nga demokratët. Nga PD pas Bashës vijnë Agron Shehaj, Luçiano Boçi e Ervin Salianji.
