Në dosjen e SPAK për grupin kriminal të Suel Çelës, janë zbardhur disa biseda që përfshijnë emrin e Megi Fetahut, vajzës së ish-gjyqtares Pajtime Fetahu.
Ajo është përmendur si ndërmjetësuese e nënës së saj dhe eksponentëve të organizatës së Suel Çelës.
Në një bisedë të datës 29 korrik 2020, Megi komunikon me Klaus Matishin dhe shpreh mërzitjen e nënës së saj, e cila është ndihmuar nga Suel Çela dhe vëllai i tij, Mario Çela, për disa raste, duke përfshirë amnistinë e Kelmend Xhaferrit dhe rastin e tritolit të vënë Fuad Verzivollit.
Megi tregon se e ëma kishte theksuar se ata duhet të marrin vetëm kur kanë nevojë dhe të mos përhapin fjalë për këto ndihma, madje edhe të falenderojnë nëpërmjet personave të tjerë.
