Ambasadori i BE Luigi Soreca, përmes një statusi në rrjetet sociale shkroi se BE do të vazhdojë të mbështesë fermerët shqiptarë. Ai tha se fermerët do të jenë në gjendje të eksportojnë produktet e tyre “Made in Albania” në BE pa taksa doganore deri në vitin 2025.
“Një tjetër ndihmë konkrete nga BE për fermerët shqiptarë. Shumë prej tyre tashmë janë duke eksportuar produkte sipas standardeve të Bashkimit Evropian, falë edhe IPARD. Të lumtur të shohim produktet e tyre “Made in Albania” të disponueshëm në tregjet evropiane! BE është këtu për t’ju mbështetur”, shkruan Soreca.
Ndërkohë këtë lajm të mirë për fermerët shqiptarë e ka ripostuar në Tëitter Delegacioni i Bashkimi Europian në Tiranë. Ky i fundit theksoi se kjo është një tjetër ndihmë konkrete nga BE për fermerët shqiptarë.
“Bashkimi Europian vazhdon të mbështesë konkretisht fermerët shqiptarë. Në këto kohë të vështira, ata do të jenë në gjendje të eksportojnë produktet e tyre në BE pa taksa doganore deri në vitin 2025. Kjo masë do të sigurojë mbështetje të vlefshme për ekonominë”, thuhet në postimin në Twitter të delegacionit të BE-së.
Kujtojmë se partnerët tanë kryesorë tregtarë janë Italia me 35.6% te volumit te tregtisë gjithsej, Gjermania me 7%, Greqia me 6.7% dhe Kina me 5.9%.
