Policia italiane ka arritur që të arrestojë një të ri shqiptar, i cili ishte bërë makthi i banorëve të shtatë qyteteve me vjedhjet spektakolare që bënte.
Prej disa muajsh, autoritetet ishin vënë në ndjekje të tij, derisa e arrestuan në Dalmine, në provincën e Bergamos.
Sipas të përditshmes italiane “Il Giorno”, karabinierët “infiltruan” dhe “përdorën” të dashurën e shqiptarit, e cila pa dashje i dërgoi karabinierët drejt vendit ku ishte fshehur 22-vjeçari.
Ndërkohë karabinierët vetëm dy muaj më parë, kishin arrestuar dy bashkëpunëtorë të të riut shqiptar në muajin gusht, përkatësisht një 24-vjeçar shqiptar dhe një 33-vjeçar.
Gjatë atij operacioni, 22-vjeçari arriti që t’i shpëtonte operacionit në minutën e fundit./GazetaReforma.com/
