Një ngjarje tragjike ka ndodhur në aksin rrugor Prishtinë-Lipjan. Një aksident i regjistruar ditën e sotme në këtë aks, ka marrë jetën e një vajze të mitur, vetëm 9-vjeçe.
Aksidenti mori jetën e vajzës, ndërsa plagosi rëndë tre persona të tjerë. Bëhet e ditur se në aksin rrugor Prishtinë-Lipjan, dy makina janë përplasur kokë më kokë me njëri-tjetrin duke i shkaktuar vdekjen e menjëhershme të miturës, e cila ishte pasagjere në një nga mjetet.
Ndërkohë tre të plagosurit të cilët kanë marrë plagë të rënda në trup, janë dërguar me urgjencë në spital. Policia ka arrestuar shoferin, ndërsa dyshohet se shkaktoi aksidentin tragjik. I prangosuri pritet të merret në pyetje.
Njoftimi i policisë së Kosovës:
Me datë 01.01.2022, ora 23:25. ne autostradën “Arbën Xhaferi” segmenti rrugor Prishtine -Lipjan në KM e 5të, është raportuar për një aksident mes dy automjeteve civile. Përveç dëmeve materiale lëndime në trup kanë pësuar tre persona të cilët janë dërguar për trajtim mjekësor. Rreth orë 04:20, një person femër pasagjere (viti i lindjes 2013) ka ndërruar jetë në emergjencë dhe me urdhër të prokurorit trupi i pa jetë është dërguar për Autopsi. Me vendim të prokurorit është arrestuar i dyshuari dhe është dërguar në mbajtje, për procedura të mëtejshme ligjore.
