Paraditen e djeshme dy të rinj kanë humbur jetën në rezervuarin e Çekrezës, në Tiranë. Makina me të cilën ata po udhëtonin ka përfunduar në rezervuar.
Policia bëri me dije se polumbarët e RENEA-s nxorën trupat e pajetë të Erion Muças, 22 vjeç, dhe Dorina Gjokgjinajt, 20 vjeçe.
Ndërkohë është publikuar fotoja e 22-vjeçarit Erion Muça, i cili dje humbi tragjikisht jetën një ditë më parë, pasi u fundos me makinë në rezervuarin e Çekrezës, në Kamëz, bashkë me 20-vjeçaren Dorina Gjokgjinaj.
Për nxjerrjen e trupave të pajetë u desh ndërhyrja e polumbarëve të RENEA-s. Ende nuk dihet nëse kemi të bëjmë me aksident apo krim, ndërsa mësohet se dy viktimat ishin banorë të zonës.
Një shok i 22-vjeçarit ka bërë një postim prekës, teksa publikon një foto krah viktimës dhe shkruan se “Zoti të deshti më shumë se ne Erion Muça. Qofsh i parajsës. Shihemi sërish”.
Erjon Muça 22 vjeç dhe Dorina Gjokgjinaj, 20 vjeçe po lëviznin me një mjet tip “Ford” në rrugën pranë rezervuarit, kur dyshohet se për shkak të shpejtësisë kanë humbur kontrollin e tij. Fillimisht besohet se ata janë me këtë pemë dhe kanë përfunduar në ujë.
Këto dyshime u përforcuan edhe më shumë për shkak se hetuesit konstatuan në vendin e ngjarjes shenja të forta të frenimit.
Të rinjtë mendohet të kenë rënë në rezervuar në orët e vona të mbrëmjes së të enjtes, por makina e fundosur u konstatua në mëngjes nga roja e rezervuarit.
Aktualisht grupi hetimor po vijon punën për zbardhjen e plotë të ngjarjes, e cila ka ndodhur në rrethana ende të paqarta.
