Pasditen e sotme një aksident rrugor ka ndodhur pasditen e sotme në Nartë, Vlorë, ku një mjet i llojit “Benz” taksi është përplasur me shtyllën.
Në brendësi të tij kanë qenë 5 veta së bashku me shoferin mes tyre dy fëmijë.
Si pasojë e aksidentit kanë marrë lëndime 5 persona, drejtuesi i mjetit si dhe pasagjerët, një 45-vjeçar me iniciale M. D., një 76-vjeçar me iniciale L. P., një 63-vjeçar me iniciale E. P., 63 vjeçe si dhe 2 fëmijë të mitur, 7 dhe 15-vjeç.
Të plagosurit janë transportuar me tre ambulanca në drejtim të spitalit të Vlorës dhe tashmë janë nën kujdesin e mjekëve. Paraprakisht dyshohet se drejtuesi i mjetit ka qenë nën efektin e alkoolit. Ndërkohë policia në vendngjarje ka nisur hetimet për zbardhjen e rrethanave. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
Njoftimi i Policisë së Shtetit:
Vlorë/Informacion paraprak
Rreth orës 17:20, në rrugën e fshatit Nartë, shtetasi S. D., 54 vjeç, duke drejtuar automjetin (taksi), dyshohet se ka humbur kontrollin dhe si pasojë automjeti ka dalë nga rruga.
Si pasojë e aksidentit kanë mbetur të dëmtuar drejtuesi i automjetit dhe pasagjerët, shtetasit M. D., 45 vjeçe, L. P., 76 vjeç, E. P., 63 vjeçe dhe 2 fëmijë të moshave 7 dhe 15 vjeç, të cilët ndodhen në spitalin e Vlorës, nën kujdesin e mjekëve.
