Tashmë kemi një njoftim zyrtar të policisë që jep detaje të reja rreth makinës së gjetur të djegur në Fier.
Në njoftim, thuhet se persona të paidentifikuar kanë qëlluar me armë zjarri drejt një dyqani me pjesë këmbimi, pikërisht nga makina që është gjetur e djegur.
Më pas sipas policisë, për të humbur gjurmët, personat janë larguar drejt rrugës Fier- Seman, ku edhe i kanë vënë flakën mjetit në vendin e quajtur “Kryqëzimi i shinave të trenit”.
Tashmë zjarrëfikëset kanë mbërritur në vendngjarje për të shuar flakët, e njëkohësisht grupi hetimor është duke hetuar të gjitha pistat, të cilat do mund të çojën në zbardhjen e plotë të ngjarjes.
Njoftimi i Policisë
Në datën 03.04.2019, në lagjen “1 Maji” Fier, në afërsi të vendit të quajtur “Kryqëzimi i Parkut”, persona ende të paidentifikuar duke udhëtuar me një mjet tip “BMV” kanë qëlluar me armë zjarri drejt një subjekti tregëtar (pjesë këmbimi të makinave).
Më pas, mjetit tip “BMV” i është vënë zjarri në rrugën Fier- Seman, në vendin e quajtur “Kryqëzimi i shinave të trenit”.
Në vendnngjarje kanë shkuar shërbimet e policisë dhe shërbimi zjarrfikës për shuarjen e zjarrit.
Eshtë ngritur grupi hetimor dhe po punon për zbardhjen e plotë të kësaj ngjarje, identifikimin dhe kapjen e autorëve.
