Mesnatën e djeshme, në Maliq ka ndodhur një aksident i rëndë.
Bëhet me dije se si pasojë kanë mbetur të plagosur dy të rinj, praktikisht shtetasi G. A. dhe vëllai i tij, shtetasi K. A., 30 vjeç, pasagjer në këtë automjet. Ngjarja ka ndodhur në rrugën “Zvezdë-Pojan. Një 27-vjeçar ka humbur kontrollin e mjetit të cilin drejtonte dhe për pasojë automjeti ka dalë nga rruga duke shkaktuar aksidentin e rëndë. Aktualisht, të plagosurit ndodhen në spitalin e Korçës, nën kujdesin e mjekëve dhe jashtë rrezikut për jetën.
Grupi hetimor po kryen veprimet procedurale për të mësuar shkakun e vërtetë të aksidentit, nga i cili mbetën të plagosur dy të rinjtë në Maliq të Korçës.
“Mesnatën e djeshme, në rrugën “Zvezdë-Pojan”, Maliq, shtetasi G. A., rreth 27 vjeç, banues në fshatin Pojan, duke drejtuar automjetin tip “Volksëagen”, dyshohet se ka humbur kontrollin dhe për pasojë, automjeti ka dalë nga rruga. Nga ky aksident janë dëmtuar shtetasi G. A. dhe vëllai i tij, shtetasi K. A., 30 vjeç, pasagjer në këtë automjet, të cilët ndodhen në spitalin e Korçës, në kujdesin e mjekëve. Grupi hetimor po kryen veprimet procedurale dhe vijon puna për përcaktimin e shkakut të këtij aksidenti”, thuhet në njoftimin e policisë së shtetit.
