Tashmë ka përfunduar raundi i dytë i zgjedhjeve presidenciale në Francë dhe Exit Pollet e para shpallin fitues Presidentin aktual, Emmanuel Macron.
Sipas rezultateve, Emmanuel Macron ka siguruar 58% të votave, ndërsa kundërshtarja e tij Marine Le Pen 41.8%. Kështu, Macron fiton edhe një mandat të dytë presidencial pesë-vjeçar në Francë.
Theksojmë se menjëherë pas rezultatit të shpallur, Franca u pushtua nga festime të shumta, ku shumica e francezëve përkrahën Macron, si një lider i duhur për të udhëhequr shtetin francez.
Marine Le Pen në një fjalim të mbajtur për mediat, shprehu mirënjohjen e saj për njerëzit që votuan për të në provinca, në fshatra dhe në territoret përtej detit të Francës dhe shprehu bindjen se do të ketë betejë të madhe në zgjedhjet legjislative që do të mbahen në qershor. Presidenti i Këshillit Evropian, Charles Michel, përshëndeti rezultatin dhe uroi Macron për fitoren e tij të parashikuar.
Presidentja e Komisionit të BE-së, Usula von der Leyen, gjithashtu reagoi në një postim në Tëitter, pas rezultatit, ku tha se mezi pret të punojë edhe një herë me presidentin e rizgjedhur.
Kujtojmë që sondazhet parashikonin gjithashtu se një numër ndoshta rekord i njerëzve ose do të hedhin “një votë të bardhë” ose nuk do të votojnë fare.
Si Macron ashtu edhe zonja Le Pen janë përpjekur të marrin 7.7 milionë votat që shkuan për kandidatin e majtë Jean-Luc Melenchon, i cili u mund në votimin e parë më 10 prill.
