Samiti i djeshëm i Berlinit duket se nuk ka sjellë asgjë të re, sidomos për Kosovën që ishte përgatitur për të marrë një reagim pozitiv për heqjen e vizave.
Ka qenë vet Presidenti Thaçi ai që ka dhënë këtë dy lajm gati dy orë me vonësë nga orari i përcktuar.
Sipas të dhënave kjo vonesë ka ardhur si pasojë e bisedimeve të Merkel dhe Macron me Haradinajn dhe Thaçin për heqjen e taksës prej 100% ndaj Serbisë, gjë që nuk është pranuar absolutisht nga liderët kosovarë.
Ka pasur një këmbëngulje të kryeministrit Haradinaj për të mos e bërë këtë hap, pasi nuk do të ishte kurrësesi në favor të Kosovës.
Mirëpo ajo që kishte rezultuar më zhgënjyese për Kosovën ka qenë këmbëngulja e Francës për mosliberalizimin e vizave.
“Edhe sonte kishte paqartësi rreth këtij procesi. Është diskriminim dhe ndëshkim për Kosovën”, ka thënë presidenti Thaçi gjatë fjalës së tij.
Mirëpo sipas DVV, Macron ka pasur një arsye të fortë për mos ta hedhur këtë hap dhe e përfshirë ka qenë edhe Shqipëria.
Sipas presidentit francez mosmiratimin e heqjes së vizave e bën për shkak të përvojës së keqe që Franca ka përjetuar nga liberalizimi i vizave për Shqipërinë dhe Gjeorgjinë.
Macron thotë se pas këtij hapi është shtuar numri i emigrantëve të parregullt ashtu si edhe numri i grupeve kriminale që vijnë nga këto shtete.
Nisur nga fushata elektorale aktuale për zgjedhjet e parlamentit evropian, Macron kishte argumentuar se nëse ai do të hiqte vizat edhe për Kosovën, kjo do të ishte në favor të partisë djathtiste të Frontit Nacional.
