Ditën e sotme Franca u trondit nga tre sulme terroriste që rikthyen frikën te francezët.
Në lidhje me këto ngjarje të rënda ka reaguar dhe kreu i Vatikanit, Papa Françesku i cili shpreh ngushëllimet e tij për tragjedinë në katedralen në Nice ku mbetën të vrarë tre persona dhe njëres prej tyre iu pre koka.
“Jam pranë komunitetit katolik të Nicës dhe po mbaj zi për sulmin vdekjeprurës që ndodhi në një vend që shërben për t’u lutur. Lutem për viktimat, për familjet e tyre dhe për qytetarët francezë që të keq t’i përgjigjen me të mirë”, shprehet Papa Francesku në mesazhin ngushëllues.
Por sikur të mos mjaftonte kaq, dy ngjarje të tjera ndodhën pak më vonë ku një person goditi me thikë rojen e Konsullatës franceze në Arabinë Saudite. Policia ka arrestuar autorin që qëlloi rojen në Jeddah.
Ndërkohë, policia arriti të neutralizojë e më pas ta vrasë një tjetër person që po ecte me armë në dorë në rrugët e Avignone. Sipas dëshmitarëve okularë ai po thërriste “ALLAHU AKBAR”, por falë ndërhyrjes së shpejtë të policisë është shmangur një tragjedi tjetër.
